ჩვენ შესახებ

გიორგი სვანიძის ინიციატივით, ზეთისხილის კულტურის მდგრადი განვითარების მიზნით საქართველო შეუერთდა „ზეთისხილის საერთაშორისო საბჭოს“ – (International Olive Council). საბჭოს წევრობა საქართველოს ზეთისხილის სექტორისათვის მომგებიანია როგორც საერთაშორისო ასპარეზზე მწარმოებელი ქვეყნის წარმოჩენა, ისე საერთაშორისო სტანდარტების დანერგვის განვითარება და საერთაშორისო პრაქტიკის განხორციელება. სწორედ საბჭოს სტანდარტების სრული და თანმიმდევრული დაცვით იწარმოება სვანიძის ზეთისხილის პროდუქცია. სვანიძის ზეთისხილის დამსახურებით, საქართველო გამოჩნდა ზეთისხილის მწარმოებელი ქვეყნების გლობალურ ასპარეზზე/რუკაზე.

პირველი თანამედროვე ტექნოლოგიებით აღჭურვილი, ზეთისხილის გადამამუშავებელი საწარმო, სიღნაღის რაიონში, სოფელ საქობოში აშენდა, საერთაშორისო საბჭოს სტანდარტების მიხედვით. დღის მანძილზე 10 ტონამდე ზეთისხილი გადამუშავდება, რაც უზრუნველყოფს რეგიონში დამატებით სამუშაო ადგილების შექმნას. ქართულმა ზეთისხილმა მიიღო საერთაშორისო ხარისხის სერტიფიკატი, რომლითაც ექსპორტზე ნებისმიერ ქვეყანაში შეუძლია გასვლა.

საწარმო უდიდესი პასუხისმგებლობით ეკიდება სურსათის უვნებლობის სტანდარტების დაცვას, რაც უზრუნველყოფს მომხმარებელთა ჯანმრთელობისთვის უვნებელი პროდუქციის შექმნას, რასაც ადასტურებს ISO 22000 სერთიფიკატი, რომელიც სვანიძის ზეთისხილმა მოიპოვა.